Pro 23 | PMA | STEP |

Proverbs 23

13 Konametautei kovatalimal en titam keil.
?Komundemi keke imat munak komulelas keil? !Vuo, romukteinek!
14 Ka munak komulelas keil,
komutut keil keke irvatei en Ahang.

Sakien Tatisa ten Munmunien

Proverb 23:29-35

29 ?Isei vit, 'Aue li'? Isei longe tisa?
?Isei mul mutit? ?Isei mul musel?
?Isei aven mutetep ka reingeingen asa koa kulah?
?Isei meten vilhili tisa?
30 Koakeil amunmun houlu.
Anatin, koakeil enges amun oai takeih alonge mukonek.
31 Konamaentei uaen koa vilhili tahos valeh lat rendemien onom,
avaseini kolesi vi tahos imok en veite teni ka sakin ongom kas eni.
32 Ka en keite teni kilong mahien eni
suval navong ahai ten atas sin rilik ka kolong mahien teni.
33 Metom heles tounah keil vilehiles hemai heteisav,
ka rendemien onom romum revitei.
34 Kilonge kihit kavatetavel suval komul en sip tai,
kilonge hesuval koa komurur en mas teni ka kuvinik kova en usite evus kova en usite sav.
35 Evus, kihiteni kihit, “Amutinau ka narlongtei. Amuas nau ka narkileatei.
?Vensa nasakras mamea? Tahos imok munak mamun etai mun oai takeih.”